იცოდით, რომ რასაც მიირთმევთ შეიძლება დიდი გავლენა იქონიოს თქვენი პირის ღრუს ჯანმრთელობაზე?
მიუხედავად იმისა, რომ კბილების გახეხვა და „ფლოსინგი“ აუცილებელია, თქვენი კვების რაციონი ასევე მნიშვნელოვან როლს ასრულებს ძლიერი, ჯანსაღი კბილების შენარჩუნებაში. ზოგიერთმა საკვებმა შეიძლება დააზიანოს თქვენი მინანქარი, გამოიწვიოს კარიესი ან ღრძილების დაავადება. მოდით უფრო დეტალურად განვიხილოთ საკვები, რომელსაც უნდა მოერიდოთ და რჩევები, თუ როგორ უნდა იკვებოთ ჯანსაღი ღიმილისთვის!
საკვები, რომელსაც უნდა მოერიდოთ:
- შაქრიანი საჭმლები და სასმელი
რატომ არის ეს უკანასკნელი ცუდი: შაქრიანი საკვები, როგორიცაა კანფეტი, სოდა და ცომეული არის კარიესის მთავარი გამომწვევი მიზეზი. შაქარი კვებავს პირის ღრუში არსებულ მავნე ბაქტერიებს, რომლებიც წარმოქმნიან მჟავებს და აზიანებს კბილის მინანქარს. - მჟავე საკვები და სასმელი
რატომ არის ეს ცუდი: საკვები და სასმელი, რომელიც ძალიან მჟავეა, როგორიცაა ციტრუსი, ძმრიანი საკვები და გამაგრილებელი სასმელი, დროთა განმავლობაში ანადგურებს კბილის მინანქარს. მას შემდეგ, რაც მინანქარი გაცვეთილია, თქვენი კბილები უფრო მგრძნობიარეა და მიდრეკილია კარიესისკენ.
რჩევა: დალიეთ მჟავე სასმელი საწრუპით, რომ შეამციროთ სასმლის კოტაქტი კბილებთან - წებოვანი საჭმელი
რატომ არის ცუდი: წებოვანი საკვები, როგორიცაა კარამელი, ტაფი ან ჩირი, შეიძლება კბილებს მიეკრას და მისი მოცილება ხდება რთული. ეს საშუალებას აძლევს შაქარს და მჭავებს დიდხანს დარჩეს კბილებთან კონტაქტში, რაც თავისთავად ზრდის კარიესის რისკს. - მყარი კანფეტები და ყინული
რატომ არის ცუდი: მიუხედავად იმისა, რომ მყარი ტკბილეული შეიძლება უვნებელი ჩანდეს, მათ შეუძლიათ კბილების გატეხვა გამოიწვიოს, ისევე როგორც ყინულს, მას შეუძლია გამოიწვიოს კბილის გაბზარვა ან დააზიანოს მინანქარი.
რჩევა: ნუ ჩაკბეჩთ მყარ ტკბილეულს, მოერიდეთ ყინულის ღეჭვას, რათა დაიცვათ თქვენი კბილები დაზიანებისგან - სახამებელის შემცველი საკვები
რატომ არის ცუდი: საკვები, როგორიცაა თეთრი პური, ჩიფსი და მაკარონი, მდიდარია სახამებლით, რომელიც პირის ღრუში შაქრად იშლება. ამ შაქარმა შეიძლება გამოიწვიოს ნადების დაგროვება, რაც საბოლოოდ იწვევს კბილების გაფუჭებას.
რჩევა: თუ სახამებლიან საკვებს მიირთმევთ, აუცილებლად ჩამოიბანეთ პირი წყლით და გაიხეხეთ კბილები ჭამის შემდეგ
- ალკოჰოლი
რატომ არის ცუდი: ალკოჰოლურ სასმელებს, განსაკუთრებით ღვინოს და ლუდს, შეუძლია პირის ღრუს გამოშრობა, რაც ამცირებს ნერწყვის გამომუშავებას. ნერწყვი აუცილებელია საკვების ნაწილაკების დასაბანად და პირის ღრუში არსებული მჟავების გასანეიტრალებლად
რჩევა: დალიეთ ბევრი წყალი ალკოჰოლის მიღებისას და ჩამოიბანეთ პირი, რათა მოიცილოთ მჟავები ან შაქარი.
როგორ ვიკვებოთ ჯანსაღი ღიმილისთვის
- რძის პროდუქტები
რატომ არის კარგი: რძის პროდუქტები, როგორიცაა რძე, ყველი და იოგურტი, მდიდარია კალციუმით და ფოსფატებით, რაც ხელს უწყობს კბილის მინანქრისა და ძვლების გაძლიერებას. ყველი განსაკუთრებით კარგია, რადგან ის ასტიმულირებს ნერწყვის გამომუშავებას, რაც ხელს უწყობს პირის ღრუში მჟავების განეიტრალებას.
რჩევა: მიირთვით ყველის მცირე პორცია ჭამის შემდეგ - ხრაშუნა ბოსტნეული და ხილი
რატომ არის კარგი: ბოსტნეული და ხილი, როგორიცაა სტაფილო, ვაშლი და ნიახური, მდიდარია ბოჭკოებით და მოითხოვს ბევრ ღეჭვას, რაც ხელს უწყობს კბილების ბუნებრივად გაწმენდას. ისინი ასევე ასტიმულირებენ ნერწყვის გამომუშავებას, რაც ასევე იცავს მინანქარს.
რჩევა: მიირთვით ბოსტნეული როგორც სასუსნავი, ან დაამატეთ ისინი თქვენს საკვებში. - მწვანილი
რატომ არის კარგი: ფოთლოვანი მწვანილი, როგორიცაა ისპანახი და კომბოსტო, მდიდარია ვიტამინებითა და მინერალებით, რომლებიც ხელს უწყობენ ღრძილების და კბილების ჯანმრთელობას. მდიდარია ბოჭკოებით, რაც კბილების წმენდას უზრუნველყოფს.
რჩევა: დაამატეთ ფოთლოვანი მწვანილი თქვენს სალათებში, სმუზის ან სენდვიჩის მომზადებისას. - თხილი
რატომ არის კარგი: თხილი და თესლი, როგორიცაა ნუში, ნიგოზი და მზესუმზირის თესლი, სავსეა აუცილებელი საკვები ნივთიერებებით, როგორიცაა ცილა, კალციუმი და ჯანსაღი ცხიმები. ისინი ასევე ხელს უწყობენ ნერწყვის წარმოქმნას და ნაზად მოქმედებენ თქვენს კბილებზე.
რჩევა: მიირთვით ერთი მუჭა თხილი ან დაამატეთ ისინი თქვენს საკვებში. - წყალი
რატომ არის კარგი: წყალი საუკეთესო სასმელია თქვენი კბილებისთვის. ის ხელს უწყობს საკვების ნაწილაკებისა და ბაქტერიების მოცილებას, პირის ღრუს დატენიანებას და ხელს უშლის პირის სიმშრალეს. გარდა ამისა, მას შეუძლია ხელი შეუწყოს მჟავების განეიტრალებას.
რჩევა: დალიეთ ბევრი წყალი მთელი დღის განმავლობაში, განსაკუთრებით ჭამის შემდეგ, რათა თქვენი პირის ღრუ სუფთა და დატენიანებული იყოს. - მწვანე ჩაი
რატომ არის კარგი: მწვანე ჩაი მდიდარია ანტიოქსიდანტებით, რომლებიც ხელს უწყობენ პირის ღრუს ბაქტერიების წინააღმდეგ ბრძოლას და ამცირებს ღრძილების დაავადებების რისკს. მას ასევე აქვს ფტორი, რომელიც აძლიერებს კბილის მინანქარს
რჩევა: ჩაანაცვლეთ გაზიანი სასმელები ან ყავა ერთი ფინჯანი უშაქრო მწვანე ჩაით.
შენი კბილები იმსახურებენ საუკეთესო მოვლას! ჭკვიანური არჩევანის გაკეთებით, რას ჭამთ და სვამთ, შეგიძლიათ დაიცვათ თქვენი კბილები და ღრძილები დაზიანებისგან, რაც ხელს უწყობს პირის ღრუს ჯანმრთელობას. ასევე, დაიმახსოვრეთ, რომ რეგულარული ხეხვა, „ფლოსინგი“ და სტომატოლოგიური გამოკვლევები აუცილებელია თქვენი ჯანსაღი ღიმილის შესანარჩუნებლად!